Coye Pi Yenyo Tic i Lira District
Written by admin on February 23, 2024
Jo akato 100 en adong oco waraga pi penyo tic 7 keken ame orabo pire Lira district.
Ilokere kede acoc wa idiceng atin, Wonkom abwo coyo jo idog tic i Lira district, Rev James Awany okobo ni Ministry abwo coyo jo idog tic agamente omio gi twero me coyo otic pi culu buge mogo atye anen.
En okobo ni ikom dog tic 7 ame orabo pire ikin gi opwonye, ngat ooro me tero kwena nyo officice messenger ikin jo okene apol, ento jo akato 100 oco waraga me penyo tic oko, kun kare me cego dogola me gamo waraga pwod pe otunu, ame nyut7 ni wel jo pwod amede apol.
En okobo ni man obedo agam me koko apol obedo kato, polere wok can opwonye i cukule mogo i Lira district, ame onwo tye abalo pwonyere atek.
Rev Awany okwenyoro otedero pe me temo miyo cente bot ngatoro atic-oro keken me district kede nying me wilo tic, pien dul abwo coyo jo idog tic keken en ayeko jo opore pi dog tic acel acel.
En okobo ni tye otedero okene ame cato naka leyi kede lobo gi ote miyo bot obuping ame miye ni ocok tutwal kede District Service Commission, kun yika me coyo jo idog tic bedo nono abongo culoro keken.
Reader's opinions
Continue reading
