Current track

Title

Artist

Background

Koko ikom poko Ambulance i Lira District

Written by on February 23, 2024

Koko me pok alenga kede wiro wi Ambulance me Amach H/CIV okato ikom otela me Lira district.

Ilokere kede Unity fm, wonkom 3 me Amac Town council, Freddie Okwe Abadyang otito ni 2/2/2024 minister me yotkom, Dr Jane Ruth Acheng Ocero obin omio otoka Ambulance pi dakatal Amach HCIV iyika ame otimere i mayor’s garden ento naka icawa ni Ambulance man peru onyono kunaca.

Okwe Abadyang ame dang obedo wonkom a wegi kome 3 me Lira district otito ni inino ame minister amiyo otoka man otiti otela me Lira district me miyo bedo idakatal Amach me konyo iomo otwo ipacu kede Kobo gi idakatal adwong.

En okobo ni acocoki obedo kede peko me Jo akom gi lit aromo 9 ame amito akoba idakatal adwong me Lira ento Ambulance nwongo pe kan ame otedero te cako doko ager oko ikom gin otela ni otye oneno Ambulance tye awire ka idye boma Lira.

En okobo ni pi tyelo apol eloko kede Otela apapat me Lira district pi temo niango ngo omio gi pe otye oye miyo Ambulance man, ento gin duc pe otye oye miye agam olil.

En okok ni Lira district nen calo oneno dakatal Amach oko iwang arac pien naka otic-ogo ame ocwalo kunaca mogo wigi wil oko itic gi.

Okwe Abadyang otito ni gamo Koko ibot otedero ociro gin otela oko pien otedero ocako Kok ni dongo lobo me lira district tye olengere atek pien Jami me dongo lobo dwongere tye awot ka Erute North.

Aco itungbote, wonkom 5 me Lira district, RCM Okello Orik, otito ni Freddie Okwe Abadyang pe tye angeyo gin atye akobo pien Amach HCIV loye ite Lira district ame jami mere duc dano abwo kop me yotkom en aye bedo itwero iye.

En okobo ni Ambulance man tye pi gombole duc i Lira district ento pe ka pi Amach keken.

En okwero report me poko dongo lobo alenga i Lira district, ni obedo twon goba pien gin otye otute pi kelo dongo i Lira district alutu.


Reader's opinions

Leave a Reply

Your email address will not be published. Required fields are marked *



Current track

Title

Artist

Background