Kop Adwong Lobo ikom PAG kede Yawheh
Written by admin on February 23, 2024
President Yoweri Kaguta Museveni ocikere me kato kede agam pi tyeko rucurucu ikin PAG kede Yawheh Pentecostal mission ikine me dwe 1 abino anyim.
Man okato i cokere ame President Museveni obedo kede otela oya i Lango iot ker me lobo Uganda ikin gi; Resident City Commissioner me Lira, Lawrence Egole, Mayor me Lira City Council, Sam Atul, Wonkom LC5 me Lira, RCM Okello Orik, Bishop me PAG mission, Rev Silvanus Ogwal, kede Sam Omara me Yawheh Pentecostal mission, ikin otela okene apol.
Ilokere kede acoc wa, RCC Lawrence Egole okobo ni President Museveni oloko kede otela dini 2 magi duc te kwayo cuny gi me diye kong anonok abongo kelo rucu ikin gi, kun nwo etye ewoti yenyo agam opore me tyeko kop gi ni icel pi lung.
En okobo ni Museveni dang ocikere me lwongo cokere okene ininodwe 6/4/2024 kede otela magi, pi dok ikop man, kun emio gi tyelo-tyelo adong en ekato kede.
Egole omede ni otela dini 2 magi duc oye inyim adwong lobo ni obino mede ikweyo mac kic acalo ping pwod tye oling kede icawa ni, ka okuru agam aen akato kede.
En onyutu gen ni man nen calo bino dong tyeko lweny kede dipu wic ame obedo timere pi kare alac okato angec, pi laro jami ikin Yawheh kede PAG Uganda iyonge pokere gi mwaki akato 10 okato angec.
Imwaka okato, Apid banya me Okiko obin ocako gamo kanica icing Yawheh ote dwoko icing PAG iyinge okiko loyo Yawheh, ento man te kelo lweny atek, dang jo okene ame omako ikare naca pwod tye ibuc naka icawani.
Reader's opinions
Continue reading
