Ngolo Kop akwako motoka awonkom LC5 me Alebtong
Written by admin on February 23, 2024
Okiko Adwong me Lira ocoro anyim nino me kato ingola ikoko me banya ame omio omako motoka awonkom LC5 me Alebtong.
Iwinyo pido man ame otimere inyim Registrar me High Court, Godfrey Salaam Gobi, obin ociko otela me Alebtong district kede wegi company me Tomson Uganda Ltd me dok inyim okiko ininodwe 20/3/2024, pi kato kede ngola iye.
En okobo ni okiko me High Court pwod tye iwinyo pido ikom jo oye bal gi oko, en oweko pwod pe oromo winyo koko moro okene.
Ilokere kede Unity FM otyeno atin, Executive Director me Tomson Uganda Ltd, Tom Richard Ongora okobo ni kit Alebtong district tye atimere kede, nyutu ni motoka gi amito acata pi culu banya me million 43 agin otye opido.
En okobo ni woki idiceng, alub Dici me Alebtong owoto naka i court kunaca, eka te tite ni cente pwod pe atwal icing gi me culu banya man, nikwanyo ka mwaka lim anyen ocakere.
En okobo ni kare ame okiko obin omio gi me cato motoka man okato oko, ento onwo otye odiyo cuny gi pi kuru winyo ngo ame court atiti gi tin, pien naka Apilida agamente okobo ni gin damg otye otemo miyo ka tam, ento pwod pe yot me miyo tam igin okiko okato ingola oko iye.
En okobo ni ka Alebtong district pe omio gi cente ininodwe 20/3/2024 ame okiko ociko, cite obino cato motoka man oko abongo kica.
Imwaka lim 2019-2020 kede 2020-2021, Alebtong district obin omio Tomson Uganda Ltd tenda me yiko motoka me district, ento iyonge cen ote kwero culu oko ni tic oe otiye aber, te miyo wegi company man ngwec oko inyim okiko.
Okiko Chief Magistrate obin ocwalo waraga bot Alebtong district, kun titi gi me tyeko cul oko idwe me 10 mwaka 2023 ento pe te timere, te miyo okiko mako motoka Double Cabin ame Wonkom LC5 ngweco kede, namba LG-00066-004, dang pwod tye i court naka tin.
Reader's opinions
Continue reading
