Current track

Title

Artist

Background

Onyon bodaboda okok ikom kampuni amio pikipiki

Written by on February 23, 2024

Onyon bodaboda mogo iLango tye okok ni kampuny amio pikipiki ilim adena ocako yako gi abongo lubo icwil me winyere.

Ilokere kede Unity FM, boda boda acel ame obedo atedero me Gombola Omoro, Alebtong district, Luggard Obong okobo ni kampuny me MOGO omie pikipiki abongo numba Plate dok polici nwo bedo mako amaka eka ote miyo gi waraga moro ento waraga man pe obin otio.

En okobo ni ikare moro polici omako pikipiki mere iyonge gamo opik ipolici enwongo banya omede niya iciling 200,000 naka I 400,000 , ento ikare ame ewoto me gamo opik enwongo kampuny ocato opikere oko.

Man en okobo ni omie para adwong dok gwoko jo ipaco mere odoko atek pien nwo egwoko jo kede cente me boda ame otela me Lira City West Division myere kato me konyo gi ipeko man.

Bodaboda me Kakoge, Denis Chong okobo ni ecato dyang me gamo opik iloan , ento otango kede cente adongo ame kampuny me MOGO tye aketo iwi jo ame omio pikipiki omio pe otye onwongo cente.

Chong okobo ni jo magi bedo aber, ento ka dano obedo ibanya ame cul cok tum ogamo opik oko ote yimo otango adwong iwi gi ame ikare okene koko loo gi oko.

Aco, wonkom aboda boda me Lira City, Juma Owera okobo ni koko me medo wel pikipiki kede yimo otango adongo okato ikom Kampuny man imwaka 2023, ete coyo waraga bot otela mere me rwate kede otela a boda boda pi nwongo yore opore me tyeko peko man dang ote moko me bedo ping idwe me 12, ento pe obin olare.

En ocupo boda boda me kwero culo pikipiki oko teki kampuny amio gi piki piki pe oye bedo kede gi ping pi tyeko koko magi.

Akanycila me Kakoge Ward iLira City West Division, Mike Ogwal okobo ni cabit 2 okato angec ebedo nwongo koko ibot otedero apol ni otye oculo cente CV adwong ento teki agala gala obedo atye icul omako opik gi ote yimo otango adwong iwi gi dok mogo ocato oko abongo ngec awone.

Pi man, en okobo ni otela me Lira City West Division myere keboro itit kit ame kampuny me MOGO tye atic pi gengo turo twero otedero ame dwong gi obedo ocan ame tye amoyo yore me kwo kede gwoko paci gi.

Ikare ame Unity FM okubere kede abwo catowil pi kampuny me MOGO , Robert Okot okobo ni epe kede twero me lok ikoko man pien Manager gi tye.

Ento, kubere kede Manager me Kampuny man, Susan Kobusinge pe olara icawa me coyo amut man pien pe ogamo cim ame acoc wa ogoye tyeno apol.


Reader's opinions

Leave a Reply

Your email address will not be published. Required fields are marked *



Current track

Title

Artist

Background