Otela me kakoge ward oryemo oko ajoka

Otela me kakoge ward odiko atini oryemo oko ajoka moro kun owango jami ame en onwongo tio kede calo yore me moyo cenete kun beo iteko ajokere.

Man olubere kede koko ame otedero obedo kato kede pi kare alac ikom dako anyinge Maneno Zubeda kede Kuchana Robert anywali me Mbale iyonge niang ni kite ame gin kwo kede ikin jo pe tye kakare.

I lokere kede acoc me radio unity fm icawa me ryemo ojoki magi aran ame bwo kop me kuc pi Kakoge A cell, Kakoge ward Lira City West divison Haiya Salim okobo ni pi kare alac tutwal opici gi obedo nwongo koko amako kop me awala medo kede jami mogo ame pe rwate kede kite me bedo aber ikin otedero.

Man oweko odiko atini lkubere kede polici me Teolam police outpost gin obin owoto omonyo tunga Maneno Zubeda kede Kuchana Robert ame obedo apang gica me tunga Maneno Zubeda kun cop kede jami mogo ame pe rwate kede kite amyero jo bed kede ame ikin gi tung lee,gagi,yen aburu,pyen lee moro anyinge apupu ikin en okene .

Delcano Oboka wonkom 1 me kakoge A ociko jo ame otamo ni okubere kede ajoka me gwokere pien icawa ni gin dok obino cako timo opotoro agwa pi moyo jo magi ame otamo ni okubere kede ajoka pi balo kuc ajo.

Oboka okobo ni cako anaka wonkom acon me ojwina Emmanuel Ebong Opeto bin ryem kede ajoka iyi Kakoge alutu onwongo nying gi dong pe ento oweke kede lworo me dok nwongo ni ajoka pwod tye Kakoge dang Jo tye atic kede.

Oboka ociko opang gica me Kakoge kede wegi wudi me cako neno nga ame gin obedo kede wek kony irwenyo ajoka I Kakoge.

Alubere kede ripot jo ame bedo acok kede tegulu mac me umeme Kakoge Jo okene naka lwit butu kede mon gi medo kede anyut apapat calo puc.

Jenifer Omara kede Apili Betty ilokere omoko caden kite ame lwit yelo kede jo tutwalere wok gin jirani a Maneno Zubeda kede Kuchana Robert.

Lwit ajoni ripot cimo ni gin onwongo otio kede me lwongo Mon ajo ibot cogi kede Co dang ibot Mon gi.

Maneno Zubeda obedo anywali me kakoge A eka Kuchana Robert obedo anywali me Mbale district.

Oc me Teolam out post AIP Elwor Sarah ilokere kede otedero me Kakoge icawa me ryemo ojoki man okobo ni acalo polici gin ope kede gin okene me atima apat kede ryemo gi oko pien ginoro atiratir ame moko ni jok ajoni okelo bal ikom ngatoro pe tye.

Man oweko gin owango oko jami tic ojoki magi kun me Mbale gin ocike me weko Kakoge oko cako tini.